「Hi, 你好」、「早啊」、「早安、午安、晚安」、「早上好、中午好、晚上好」、「再見」、「bye bye」……tse攏毋是在來咱 ê 話。
若按呢，咱 ê 話愛按怎來【相借問 sio/sann-tsioh-mn̄g/muī】(greeting)：
ps.咱 ê 話無咧講「拍招呼」，咱 ê 話是講「相借問」。
1.透早起--來若相拄，會講【𠢕早 gâu-tsá】。
2.食三頓 hit ê 跤兜若相拄，會問講【食飽--未 tsia̍h-pá--buē/bē/bēr】，若是khah傳統 ê 婦人人，有 ê 人中晝時仔也會問講【煮--矣--未 tsú/tsír/tsí--ah--buē/bē/bēr】。
3.暗暝若相拄，會用得問講【猶未睏--喔/啊！】，相辭 ê 時抑是準備欲去睏--矣 ê 時會講【khah早睏--咧/eh】、【好去睏--矣/囉！】、【khah早睏--咧/eh--乎[honnh]！】、【好--啦！khah早睏--咧/eh--啦！】。
4.平素佇路頭若相拄，會問講【欲去佗位/落？】；欲相辭 ê 時會講【先來去】、【先[來去](la̋i)走】，若準對方並毋是定定拄會著--ê，會用得閣補一句【（有）閒，tsiah來--啦！】、【（有）閒，tsiah來坐--啦！】、【（有）閒，tsiah來相揣--啦！】。
5.若佇家己 ê 門頭相拄，主人家欲先入門，會用得講【來坐--啦！】。
6.人客來咱厝--裡，拄入門，主家人著講【坐--啦！】、【來坐--啦！】、【來坐、來坐】、【內面坐】、【內底坐】、【來食茶--啦！】。開店舖做生理ê頭家，人客若行入來咱店內，頭家人嘛會用得說【坐--啦！】、【來坐--啦！】。
7.若是拄搪(tú-tn̄g)主人家咧食飯，主人家著共人客講【來食】、【食飯--啦！】、【食--矣--未？做陣（做伙/同齊）來--啦！】。
8.若是特別去共人拜訪-- ê ，人客拄kàu人兜ê時，會用得共主人家講【歹勢，來共恁齪嘈(tsak-tsō)】，欲走 ê 時會用得講【歹勢--喔！共恁齪嘈遮（爾）久，先[來去](la̋i)走。】。
9.誠久毋捌來 ê 人客來咱厝--裡，主家人會用得講【罕行[hán-kiânn]、罕行】，古早ê讀書人有講【久見 kiú-kiàn】。
10.一般 去人兜坐，欲相辭 ê 時，咱會用得講【來去、來去】，古早人 tsit ê 時陣有講【你請[tshiánn]（，我無閒）】，抑是孤一字【請】；主人家著講【啊毋閣坐】表示慰留，古早人 tsit ê 時陣有講【且坐】。
11.人客伐[hua̍h]出戶橂 ê 時，主人家著講【細膩 suè/sè/serè-jī】、【勻（勻）仔是 ûn-á-sī/sǐ】、【寬寬仔是 khuann-khuann-á-sī/sǐ】、【沓沓仔行】，【順行 sūn-kiânn】、【tsiah來--啦】、【tsiah閣來】、【有閒，tsiah𤆬[tshuā]恁○○來--啦！】。
ps.照施炳華教授 ê 主張，「ta̍uh-ta̍uh」是華語『反覆、常常、不斷地』 ê 意思，「tāu-tāu」是華語『慢慢、逐漸、一步步地』 ê 意思，兩个詞 ê 音讀無sâng、釋義也無sâng，毋拄《教典》煞收佇sâng一个詞「沓沓」，而且標sâng一个音讀「ta̍uh-ta̍uh」，頭一个詞 ê 漢字用「沓沓」是音義字，後一个詞 ê 漢字應當另外分用，「逗逗」會用得參考。《廈英》kap《臺日》除了收 「ta̍uh-ta̍uh」以外，閣有 「tia̍uh-tia̍uh」（註明漳腔），《臺日》另外閣有收一个「thiāu-thiāu」，以上三个音讀計干焦有「constantly; incessantly; very frequently.」ê 意思，並無華語『慢慢、逐漸、一步步地』 ê 意思，後者 ê 意思嘛有人是用加【仔 á】來區別（ex.泉州）。
若按呢，咱 ê 話愛按怎來【相借問 sio/sann-tsioh-mn̄g/muī】(greeting)：
ps.咱 ê 話無咧講「拍招呼」，咱 ê 話是講「相借問」。
1.透早起--來若相拄，會講【𠢕早 gâu-tsá】。
2.食三頓 hit ê 跤兜若相拄，會問講【食飽--未 tsia̍h-pá--buē/bē/bēr】，若是khah傳統 ê 婦人人，有 ê 人中晝時仔也會問講【煮--矣--未 tsú/tsír/tsí--ah--buē/bē/bēr】。
3.暗暝若相拄，會用得問講【猶未睏--喔/啊！】，相辭 ê 時抑是準備欲去睏--矣 ê 時會講【khah早睏--咧/eh】、【好去睏--矣/囉！】、【khah早睏--咧/eh--乎[honnh]！】、【好--啦！khah早睏--咧/eh--啦！】。
4.平素佇路頭若相拄，會問講【欲去佗位/落？】；欲相辭 ê 時會講【先來去】、【先[來去](la̋i)走】，若準對方並毋是定定拄會著--ê，會用得閣補一句【（有）閒，tsiah來--啦！】、【（有）閒，tsiah來坐--啦！】、【（有）閒，tsiah來相揣--啦！】。
5.若佇家己 ê 門頭相拄，主人家欲先入門，會用得講【來坐--啦！】。
6.人客來咱厝--裡，拄入門，主家人著講【坐--啦！】、【來坐--啦！】、【來坐、來坐】、【內面坐】、【內底坐】、【來食茶--啦！】。開店舖做生理ê頭家，人客若行入來咱店內，頭家人嘛會用得說【坐--啦！】、【來坐--啦！】。
7.若是拄搪(tú-tn̄g)主人家咧食飯，主人家著共人客講【來食】、【食飯--啦！】、【食--矣--未？做陣（做伙/同齊）來--啦！】。
8.若是特別去共人拜訪-- ê ，人客拄kàu人兜ê時，會用得共主人家講【歹勢，來共恁齪嘈(tsak-tsō)】，欲走 ê 時會用得講【歹勢--喔！共恁齪嘈遮（爾）久，先[來去](la̋i)走。】。
9.誠久毋捌來 ê 人客來咱厝--裡，主家人會用得講【罕行[hán-kiânn]、罕行】，古早ê讀書人有講【久見 kiú-kiàn】。
10.一般 去人兜坐，欲相辭 ê 時，咱會用得講【來去、來去】，古早人 tsit ê 時陣有講【你請[tshiánn]（，我無閒）】，抑是孤一字【請】；主人家著講【啊毋閣坐】表示慰留，古早人 tsit ê 時陣有講【且坐】。
11.人客伐[hua̍h]出戶橂 ê 時，主人家著講【細膩 suè/sè/serè-jī】、【勻（勻）仔是 ûn-á-sī/sǐ】、【寬寬仔是 khuann-khuann-á-sī/sǐ】、【沓沓仔行】，【順行 sūn-kiânn】、【tsiah來--啦】、【tsiah閣來】、【有閒，tsiah𤆬[tshuā]恁○○來--啦！】。
ps.照施炳華教授 ê 主張，「ta̍uh-ta̍uh」是華語『反覆、常常、不斷地』 ê 意思，「tāu-tāu」是華語『慢慢、逐漸、一步步地』 ê 意思，兩个詞 ê 音讀無sâng、釋義也無sâng，毋拄《教典》煞收佇sâng一个詞「沓沓」，而且標sâng一个音讀「ta̍uh-ta̍uh」，頭一个詞 ê 漢字用「沓沓」是音義字，後一个詞 ê 漢字應當另外分用，「逗逗」會用得參考。《廈英》kap《臺日》除了收 「ta̍uh-ta̍uh」以外，閣有 「tia̍uh-tia̍uh」（註明漳腔），《臺日》另外閣有收一个「thiāu-thiāu」，以上三个音讀計干焦有「constantly; incessantly; very frequently.」ê 意思，並無華語『慢慢、逐漸、一步步地』 ê 意思，後者 ê 意思嘛有人是用加【仔 á】來區別（ex.泉州）。
沒有留言:
張貼留言